Fátima Ameneiro venceu no Campionato de España en Terras do Mandeo

rallye-fatimaO pasado fin de semana disputouse a 3ª edición do Rally Terras do Mandeo nas localidades de Curtis, Aranga, Sobrado dos Monxes e Guitiriz. A proba, terceira do Campionato de España de Rallys de Terra (CERT) en 2016, supoñía a segunda participación do equipo de Édgar Vigo e Fátima Ameneiro sobre a superficie de terra.

Despois dos problemas de preparación do vehículo para disputar a proba do Circuíto de Navarra, nesta ocasión, o vehículo xa contaba coa electrónica e suspensión, quedando pendente para a proba de Ponferrada, a colocación da caixa de cambios.

O Rally comezou con moita néboa e auga, o que unido ao descoñecemento do comportamento do vehículo, fixo que os feneses se tomasen o inicio do Rally como un test no que aos poucos se foron mellorando os resultados. Ademais, unha picada no primeiro tramo cronometrado, provocaba comezar a proba cun tempo atrasado para irse a durmir o venres. O sábado, os tempos foron mellorando a medida que a proba se achegaba ao final, sendo xa no último tramo cando se conseguiu o mellor resultado na xeral. Finalmente, Fátima venceu no Campionato de España de Copilotos Femininas e xunto a Édgar clasificáronse 4º de Grupo N e 12º da xeral.

Fátima Ameneiro: «foi un Rally increible con moitas complicacións pero que soubemos xestionar. O primeiro posto sábeme a gloria, e máis aínda na nosa tempada de debut sobre terra» .

Édgar Vigo: «todo saíu xenial. Foi un Rally dos que non se esquecen pola súa dificultade e do que nos imos con moi boas conclusións comprobando que tramo a tramo somos capaces de ir máis rápido. Xa estamso ansiosos porque chegue o Bierzo» .

Lea también

Alonso, jugador jugador más regular para el Premio Hyundai ante Piensos Durán Albense

El Café Candelas O Parrulo “B” jugaba el pasado domingo 24 ante Piensos Durán Albense, en el pabellón de …