Realizadas as obras de pavimentación en camiños da Pedreira e Santa Cruz

O alcalde de Cabanas, Germán Castrillón, informou esta mañá de que o Concello concluíu as obras de pavimentación dos camiños da Pedreira, na parroquia de Laraxe, e de Porcar, na de Santa Cruz. Traballos que, a día de hoxe, tan só están pendentes do pintado dos viais. Nesta liña, o rexidor explicou que o Concello está a investir, no seu conxunto, 45.597 euros procedentes do Plan de Obras e Servizos da Deputación provincial.

En ambos camiños, as intervencións contemplaron a limpeza de cunetas en ambas marxes da vía, tarefas de rebacheo e pavimentación. A maiores, levaranse agora a cabo traballos de sinalización –horizontal e vertical-. No camiño da Pedreira, estase a actuar sobre unha superficie de 1.019 m2, namentras que no de Porcar son 1.760 m2.

As obras permitirán mellorar a circulación e seguridade vial en dous camiños que, co paso do tempo e o alto volume de tránsito que soportan, foron sufrindo un deterioro progresivo que agora o Concello de Cabanas vén de atallar coas sinaladas actuacións.

Lea también

Charla “En marcha por un futuro saudable” en Neda

El Concello de Neda, organiza este miércoles, día 19 de enero, la charla “En marcha …