Homenaxe en Cabanas a 57 anos de convivencia e a 90 anos de vida

Cabanas celebrou este mediodía o seu Xantar de Nadal. Unha iniciativa coa que o Concello busca crear un espazo de encontro e convivencia entre a veciñanza das diferentes parroquias.

Nun comedor abarrotado, o do Hotel Iberia, déronse cita un total de 136 veciños do municipio. Degustaron un menú composto por empanada, sopa, cocido e postre, así como unha selección de doces de Nadal. E, trala comida, chegaba un dos momentos máis emocionantes da velada. A homenaxe ó matrimonio formado por Angel Blanco Seijas e Josefa Solís Ares e á veciña María Amable Corbeira Ares. Ós primeiros, por seren a parella presente que levaba máis anos xuntos. Nada máis e nada menos que 57, superadas con creces as vodas de ouro e camiño das de platino. Ó segundo, por ser o veciño de maior idade no xantar: 90 anos.

Visiblemente emocionados, recibiron de mans do alcalde, Germán Castrillón, a placa conmemorativa que lembrará este momento. Así mesmo, a xornada completouse cun animado baile amenizado coa música en directo do Dúo Tribal.

Lea también

Pontedeume-Firmados los primeros contratos de puestos en el nuevo mercado municipal

El Ayuntamiento de Pontedeume firmó esta semana con los placeros adjudicatarios los contratos de concesión …