Presentación do novo video promocional do territorio do GALP Golfo Ártabro Norte

Este xoves tivo lugar na Escola de Hostelería de Pontedeume a presentación pública do novo vídeo promocional do territorio do GALP Golfo Ártabro Norte e das axudas do Programa FEMP 2014-2020. A produción deste vídeo está incluído dentro das actividades programadas para este ano 2016 de animación e divulgación do Grupo.

Neste acto contouse coa presencia da Directora e da Subdirectora de Desenvolvemento Pesqueiro da Consellería do Mar, así como alcaldes/as e concelleiros/as dos 10 concellos que forman parte do ámbito territorial, os representantes das seis confrarías de pescadores, así como representantes das entidades asociadas ao Grupo, e outras entidades representativas do territorio.

Ao remate da presentación tivo lugar unha degustación de produtos locais do territorio (ameixa, mexillón e berberecho).

O vídeo cunha duración aproximada de 45 minutos fai un percorrido polos lugares máis carismáticos da costa do territorio, así como das actividades de pesca e marisqueo, das actividades náuticas e deportivas no mar, e como non, da nova liña de axudas existente neste territorio, da que xa está aberto o prazo ata o 1 de marzo para a convocatoria do ano 2017.

Con estas axudas preténdese mellorar as condicións de vida e as oportunidades de desenvolvemento actuais e futuras dos integrantes da comunidade costeira, tendo entre os obxectivos do GALP Golfo Ártabro Norte a mellora da competitividade do sector pesqueiro; proxectos emprendedores vinculados ao mundo do mar facilitando o seu establecemento no territorio; mantemento da cultura e as tradicións mariñeiras; impulso do turismo mariñeiro a través de novas iniciativas emprendedoras de turismo; asentamento de novas empresas e persoas emprendedoras con proxectos viables; xornadas, cursos… destinados a profesionais do mar; programas de formación e proxectos educativos; coidado do medio natural e mariño…..

Lea también

Neda constituye una comisión para el cumplimiento de la Ley de la Memoria Histórica

El Ayuntamiento de Neda acaba de constituir una comisión que se encargará de velar por …