Cabanas abre o prazo de preinscrición na Campaña de Esquí da Deputación

O Concello de Cabanas, a través da Concellería de Cultura e Deportes, abriu o prazo de preinscrición na Campaña de Esquí organizada pola Deputación provincial da Coruña. A través da mesma, rapaces e rapazas nados entre os anos 2002 e 2006 poderán practicar este deporte na estación invernal de Leitariegos, provincia de León. Será no mes de febreiro de 2017. Á espera de que a institución provincial confirme quenda e numero de prazas, o Concello abre este prazo de preinscrición para axilizar os trámites. Pode formalizarse na casa consistorial –departamento de Cultura e Deportes- no teléfono 628 486 285 ou no correo cultura@cabanas.gal.

Quedarán entón á espera da adxudicación de prazas e das follas de inscricións por parte da Deputación. Así mesmo, en caso de que a demanda supere a oferta, realizarase un sorteo público para a adxudicación.

Nesta liña, sinalar que a Deputación se responsabilizará da maior parte dos gastos ocasionados: transporte, estancia, manutención, monitores, clases de esquí, seguros, alugamento, material e actividades varias. E, cada participante, abonará unha cota de inscrición de 95 euros. A entrada dos rapaces na estación será un domingo pola tarde e a saída, un venres despois da comida.

Lea también

Neda refuerza el servicio de recogida de voluminosos ampliando las rutas en función de la demanda vecinal

El Concello de Neda anima al vecindario a hacer uso del servicio gratuito de recogida …