Cabanas inviste nas instalacións do Punto de Atención á Infancia e na adquisición de material

O alcalde, Germán Castrillón, realizou unha visita de fin de obra ó Punto de Atención á Infancia de As Viñas para supervisar o resultado dos traballos executados nas instalacións municipais e tamén o equipamento adquirido recentemente. O rexidor explicou que,s«umando os traballos realizados e o importe dos recursos incorporados, o investimento no PAI superou os 20.000 euros, a sufragar cunha achega da Consellería de Política Social da Xunta de Galicia. Investimento que, sen dúbida, revertirá nun mellor servizo e atención ós pequenos e pequenas de entre cero e tres anos que acoden a diario ás instalacións».

No exterior, as obras contemplaron a instalación dun novo peche da parcela, realizado en madeira tratada; a colocación de novos elementos na área de xogos, e traballos de impermeabilización na fachada, tanto na parte dianteira coma nun dos laterais. No interior, procedeuse á colocación de tableiro laminado nas paredes da sala de xogos e na sala de descanso. Un material con maior resistencia, sinxela limpeza e menor mantenemento, que permitirá combatir o uso constante por parte dos menores e, tamén, reforzar as paredes fronte á humidade. Non só iso, tamén se substituíron lámpadas fluorescentes por outras LED, o que permitirá reducir a factura eléctrica e o gasto na reposición destes elementos, e incorporáronse elementos de protección das esquinas mediante cantoneiras autoadhesivas.

Respecto á adquisición de novo material, o Concello atendeu as suxestións do equipo docente e incorporouse un proxector e unha pantalla; unha tablet; un ordeador de mesa; unha cámara de fotos; contos infantís, puzles, material de aprendizaxe, xogos e bonecos, entre outros.

Lea también

Pontedeume-Firmados los primeros contratos de puestos en el nuevo mercado municipal

El Ayuntamiento de Pontedeume firmó esta semana con los placeros adjudicatarios los contratos de concesión …