Entrega de premios ós nenos do Concurso de Postais de Nadal do CEIP Eladia Mariño

Yaiza Arias, Martín López, Lara Amado, Julia Naveiro, Susana Varela, Hugo Rey, Fiorela Araoz, Iria Romera e Carolina Lagoa foron os gañadores e gañadoras do Concurso de Postais de Nadal organizado entre o alumnado do CEIP Eladia Mariño de Cabanas. No mesmo, tomaron parte os preto de douscentos escolares do centro educativo público, onde amosaron a súa creatividade e destreza cos lápices.

O certame, un clásico xa da programación do centro, está promovido polo CEIP en colaboración coa ANPA “O Castiñeiro”, a Librería Xicos de Cabanas e máis o Concello, a través da Concellería de Cultura. O pasado día 21, tiña lugar o acto de entrega dos agasallos ós gañadores, vales, canxeables no citado establecemento comercial. No mesmo, tomou parte tamén a edil de área, Esperanza Gayoso.

As imaxes están a disposición da veciñanza na web municipal: www.cabanas.es.

De seguido, a relación de gañadores por curso e o título da súa postal:

3 anos: 4º Educación Infantil: Yaiza Arias Díaz “Regalos”

4 anos: 5º Educación Infantil: Martín López Moreira “Máxico Nadal”

5 anos: 6º Educación Infantil: Lara Amado Vecino “Árbore (3)”

1º Educación Primaria: Julia Naveiro Vilar “Deseo ver a Papá Noel”

2º Educación Primaria: Susana Varela Calvo “Viva o Nadal”

3º Educación Primaria: Hugo Rey Rodríguez “Bo Nadal ao Eladia Mariño”

4º Educación Primaria: Fiorela Araoz Revilla “La fábrica de Papá Noel jou, jou”

5º Educación Primaria: Iria Romera Gutiérrez “Os sonos sempre se cumpren no Nadal”

6º Educación Primaria: Carolina Lagoa Loureiro “O mellor agasallo”

Lea también

Neda impulsa varias jornadas de puertas abiertas en la escuela infantil Os Pelegríns

El Ayuntamiento de Neda promueve durante la próxima semana varias jornadas de puertas abiertas en …