O Concello de Narón destina 40.000 euros a subvencións para clubes e entidades deportivas

O Concello de Narón anunciou a convocatoria pública das subvencións a clubes e entidades deportivas de ámbito municipal, ás que a Concellería de Deportes destina unha partida conxunta de 40.000 euros, tal e como apuntou o edil responsable da área, Román Romero. Os destinatarios destas subvencións dispoñen dun prazo de trinta días naturais para presentar a súa solicitude no Rexistro Xeral do Concello, contados a partir do día seguinte da publicación do pertinente anuncio no Boletín Oficial da Provincia (BOP) -que tivo lugar o pasado xoves, día 5 de xaneiro-. As instancias a cumplimentar poden recollerse nas oficinas do pavillón polideportivo da Gándara.

As achegas económicas destínanse a clubes e entidades deportivas sen ánimo de lucro que realizan actividades deportivas na localidade, e que ademais deben cumprir os requisitos establecidos para acceder ás mesmas, recollidos na Ordenanza reguladora de concesión de subvencións e axudas públicas do Concello de Narón.

Os citados clubes e entidades deben figurar pertinentemente inscritos no Rexistro de Entidades do Concello de Narón para poder optar a estas axudas, tal e como subliñou o edil de Deportes naronés.

Lea también

Ocupan simbólicamente una parcela en el polígono del Río do Pozo, en Narón

Este sábado, día 21, un grupo de vecinos de Narón acompañados por el concejal de …

Un comentario

  1. Qué vergüenza. Convocar en 2017 las de 2016 que se suelen convocar en mayo.

Deja un comentario

Tu dirección de correo electrónico no será publicada. Los campos obligatorios están marcados con *