Sedes movilízase para defender a súa case centenaria Escola Rural

Diante do silenzo das administracións con competencias directas coma a Xunta, ou complementarias coma o Concello de Narón, e logo de transcurrido máis de medio ano sen que se adopten as medidas e propostas presentadas (ou que nin siquera se estudiasen), pola comunidade veciñal de Sedes, ésta decide pasar á acción.

No mes de marzo de 2016, Sedes presentou un Programa Experimental de Conciliación Laboral-Familiar e de Educación para as escolas rurais diante dos grupos parlamentarios galegos, que expresaron a necesidade e oportunidade da proposta, presentando incluso o PSOE e AGE, preguntas e propostas non de lei no Parlamento Galego.

Na mesma data, a comunidade veciñal presentou diante do Concello de Narón a mesma proposta, que culminou coa aprobación no Pleno de xullo, así coma a encomenda para presentar e defender diante da Xunta a petición da veciñanza. A pesares de ter presentada tamén esta proposta ó PP e á Xunta, ésta ainda non contestou.

Así que a comunidade de Sedes, que leva peleando e conseguindo que siga aberta a escola rural de Sedes, dende hai case dez anos, decide tomar a iniciativa para iniciar formalmente a reclamación, polo dereito que lle asiste de petición, para que se manteña a escola e se aplique o Programa Experimental de Conciliación Laboral-Familiar e de Educación. Para esta finalidade poñerán á disposición das veciñas e veciños de Sedes a información e as follas de recollida de sinaturas en diversos puntos da parroquia coma o Centro Cívico-Social, Escola, e outros puntos móviles.

Solicitarán, ademáis, para impulsar a sua petición, entrevistas có Alcalde de Narón e concelleira de Educación; diputado de Educación e medio rural da Deputación de A Coruña; Coordenador municipal do PP, Conselleiro de Política Social e Conselleiro de Educación da Xunta de Galicia, así coma á Valedora do Pobo á que expoñerán as súas queixas pola tardanza e desidia das administracións fronte ás peticións da cidadanía en xeral, e da reducción de dereitos de feito á cidadanía do rural, onde se suprimen tódolos días servizos públicos esenciais.