Curso para o uso de teléfonos intelixentes en Fene

O Concello de Fene. dende a concellaría de Benestar social e igualdade, leva a cabo o programa de Envellecemento Activo e participación social, no que se enmarca o «Curso para o uso de teléfonos intelixentes«, que terá lugar o 24 de marzo, de 11:00 a 13:00 horas, na Aula de Cursos do Concello, na Avenida Naturais, 44, entresollado.

A aparición destes dispositivos ocasionou un novo entorno de comunicación, que as persoas maiores teñen que asimilar para poder beneficiarse dos servizos que lles axudarán a vivir con maior autonomía persoal e independencia.

Con esta iniciativa, trátase de formar ás persoas maiores no uso dos novos teléfonos móbiles e o acceso a Internet dende os propios teléfonos de cada participante. Se mostrarán as diferentes posibilidades que ofrecen estes dispositivos, como utilizalos, para que poden servir e que aplicacións poden usar.