Galicia Ártabra Digital Noticias de Ferrol y la comarca de Ferrolterra.
A edil de Promoción Social, Teresa Sabio, recordou que aínda quedan algunhas prazas dispoñibles para o Obradoiro de Corresponsabilidade para homes que se desenvolverá no Centro Comunitario das Vivendas da Mariña. Trátase dun programa específico, convocado a través do Servizo Sociocomunitario Municipal, dirixido ás persoas mariores de Narón –preferiblemente homes, neste caso– para facilitar a súa socialización activa, previr a dependencia e fomentar a súa autonomía persoal.
No obradoiro o alumnado abordará temas como nocións básicas de tecidos, coñecementos básicos para o lavado, secado, tendido e pasar o ferro, cociña, limpeza e desinfección de superficies, arranxos básicos de prendas e coidado de menores e persoas maiores, entre outros.
As persoas interesadas en anotarse deben facelo cubrindo o formulario de solicitude dispoñible no Rexistro Xeral do Concello, de 8.30 a 13.30 horas. As prazas concederanse por rigorosa orde de inscrición, se ben é preciso formar un grupo mínimo de dez persoas para convocar este obradoiro, tal e como apuntou Sabio. As sesións impartiríanse os luns, martes e xoves de 19.00 a 21.00 horas.
