A Deputación financia un estudo sobre a situación socioeconómica da comarca de Ferrol

Instante da reunión – Deputación da Coruña

A Asociación de Empresarios de Ferrolterra (AEF) presentou hoxe na sede da Deputación da Coruña as primeiras conclusións o estudo “Diagnóstico socioeconómico comparado de Ferrol e a súa área de influenza”, que financia a institución provincial.

O informe íntegro, que foi elaborado foi elaborado por Jesús Ángel Dopico Castro, profesor de Economía Aplicada e membro do grupo de investigación Persoa-Ambiente da Universidade da Coruña, será presentado o vindeiro xoves 27 de abril na asemblea da Asociación de Empresarios de Ferrolterra.

O presidente da Deputación, Valentín González Formoso, e o deputado responsable de Promoción Económica e Emprego, José Luis García, recibiron ao presidente da AEF, José Ramón Franco Caaveiro, que expuxo os principais resultados que arroxa este estudo sobre os 20 municipios das comarcas de Ferrol, Eume e Ortegal.

Unha radiografía de Ferrol, Eume e Ortegal

González Formoso destacou a “utilidade do informe” que amosa “unha detallada radiografía socioeconómica das tres comarcas e que pode servir de base para futuras estratexias de dinamización do territorio”.

O informe recompila gran cantidade de datos, esencialmente cuantitativos, que permiten avaliar aspectos clave coma o emprego, a poboación, a renda ou a demografía empresarial, tanto da comarca en conxunto coma de cada municipio por separado. Ademais, o estudo inclúe unha comparativa da comarca con outras zonas do territorio nacional con características similares, como poden ser Avilés, Irún, Fuengirola ou Collado Villalba.

O presidente da asociación, que aglutina a máis de 200 socios do área de Ferrolterra, explicou que este extenso proxecto poderá servir de guía para que os concellos e os axentes socioeconómicos locais poidan avaliar a súa situación e plantexar obxectivos estratéxicos e liñas de acción orientadas á mellora das estruturas socioeconómicas da área.

Neste sentido, Valentín González Formoso comprometeuse a estudar distintas vías de colaboración para dar continuidade ao traballo xa realizado, coma a organización dunha serie de mesas sectoriais con especialistas e expertos nos ámbitos, social económico e político. O obxectivo será, sobre o escenario plantexado polo estudo, elaborar estratexias de dinamización económica e impulso ao emprego nas tres comarcas.

Así mesmo, outros proxectos para dar continuidade ao estudo son o desenvolvemento de informes detallados a nivel municipal, a edición do estudo nunha publicación ou a presentación das conclusións do análise en distintos puntos da comarca.

Lea también

Los bomberos de Ferrol dejan de prestar servicio en otros seis municipios de la comarca

El presidente de la junta de personal del Ayuntamiento de Ferrol, Javier Sandá (CSIF), ha …