A Deputación entrega unha furgoneta ao Club de Remo de Ares

Entrega da furgoneta – Deputación da Coruña

O presidente da Deputación da Coruña, Valentín González Formoso, fixo entrega dunha furgoneta que a institución provincial adquiriu para o Club de Remo de Ares.

Durante o acto de entrega, que tivo lugar esta mañá na sede da Deputación, Formoso destacou “a longa traxectoria“ do club, fundado en 1958, e a súa labor de “promoción dun deporte moi arraigado na comarca ferrolá“.

Pola súa banda, o alcalde de Ares, Julio Iglesias, e o presidente do Club de Remo de Ares, Germán Sánchez, agradeceron o apoio da Deputación e a cesión do vehículo que axudará á entidade deportiva a manter a súa actividade, que require con frecuencia desprazamentos a competicións nas que é necesario o transporte de material e persoas.

A cesión da furgoneta é o resultado dun convenio asinado no mes de setembro, mediante o cal a institución provincial destinou un total de 25.400 euros para a adquisición do vehículo, co obxectivo de cedelo, durante toda a súa vida útil, para o uso exclusivo do Club de Remo de Ares, que correrá cos gastos de uso, mantemento, reparación e seguros.

O Club de Remo de Ares conta con 250 socios e o ano pasado resultou gañador da Liga Galega de Traíñas. Despois da súa participación no prestixioso Ascenso ACT, a agrupación quedou en segundo posto co que logrou clasificarse para a competición ACT da elite da traíña, na que participa actualmente.

Lea también

Algo máis de medio centenar de persoas participarán no “X Campionato de Tenis de mesa pola saúde mental”

Os concelleiros de Deportes, José Oreona, e Benestar Social, Catalina García, presentaron esta mañá con …