O Concello de Cabanas abre o prazo de inscrición no seu Torneo de Pádel

O Concello de Cabanas promove un ano máis unha nova edición do seu Torneo de Pádel. Una cita xa consolidada no calendario deportivo do municipio, onde día a día medra a afección por esta disciplina deportiva.

A sexta edición desta competición celebrarase do 9 ao 18 de xuño nas pistas da Área Recreativa e Deportiva da Veiga. Organizado de forma conxunta polas concellerías de Deportes e Cultura, o torneo manterá aberto o prazo de inscrición ata o vindeiro 2 de xuño. E, para formalizala, o Concello ofrece varias alternativas: enviando un correo electrónico ao enderezo cultura@cabanas.gal; chamando por teléfono ao número 981 49 59 59 extensión 3, ou presencialmente no propio consistorio. A cuota é de 10 euros por persoa nunha categoría e 15 por persoa se a inscrición se realiza en dúas.

O Concello facilita a consulta das bases da competición na web municipal www.cabanas.gal e avanza que, como é tradición, haberá tres categorías: masculina, feminina e mixta.

O torneo repartirá trofeos aos mellor clasificados e agasallará a todos os participantes cun detalle conmemorativo para lembrar o seu paso por esta cita deportiva.

Lea también

Adri logra la victoria con España ante Angola en el Mundial de Lituania

Acabó la fase de grupos del Mundial de Lituania para la selección española y lo …