O Baloncesto Narón revalida o título galego de categoría premini

Equipo premini – Baloncesto Narón

O Baloncesto Narón conseguiu revalidar o título galego de categoría premini que xa acadara a tempada pasada despois de vencer esta tarde ao Bosco Salesianos de Ourense por 97-89 nunha final antolóxica que houbo de decidirse na prórroga.

O conxunto dirixido por Pablo Fuertes e Rubén Durán controlou o partido ata o descanso (51-41) pero no cuarto e quinto periodo viuse superado polos ourensáns, que chegaron ao último periodo con seis puntos de vantaxe (65-71). O Baloncesto Narón reaccionou e puido igualar o choque e mesmo poñerse por diante, mais finalmente se chegou con empate a 84 puntos ao tempo extra.

Xa na prórroga, o equipo naronés soubo xogar mellor as súas bazas e anotar nos momentos decisivos para facerse coa vitoria por 97-89.

O triunfo permite ao Baloncesto Narón revalidar o título galego que xa conseguira hai un ano. É a primeira vez na última década que un mesmo clube repite campionato na categoría premini en dúas tempadas consecutivas.

O Baloncesto Narón quixo destacar ao remate do encontro o esforzo e a entrega dos cativos e cativas, así como da afección, que apoiou en todo momento ao equipo.

Lea también

O Parrulo Ferrol se estrena este martes en Copa del Rey visitando al Ribeira FS

Casi sin tiempo para descansar, O Parrulo Ferrol continúa con su intenso mes de octubre, …