O pavillón de San Martiño do Porto albergará este sábado o I Trofeo de Judo Concello de Cabanas

O pavillón de San Martiño do Porto albergará este sábado a primeira edición do Trofeo de Judo Concello de Cabanas. Con entrada libre e de balde, dará comezo ás 10,30 horas. Será cando se dispute o torneo sub 13 –para nados nos anos 2005 e 2006- e sub 11 –para aqueles dos anos 2007 e 2008-. A continuación, o programa inclúe un adestramento a modo de exhibición dos nenos e nenas de entre 3 e 9 anos que tomaron parte nas clases de judo do Concello de Cabanas. A cita, organizada pola Concellería de Deportes e o clube AD Judo Ferrolterra, nace con vocación de continuidade.

Nela tomarán parte seis equipos e, en concreto, EM Cabañas, AD Judo Ferrolterra, EM Pontedeume, AM Fene, Castro-Baxoi Miño e Mercedarias de Ferrol. Así mesmo, a Cabanas acudirán tamén o seleccionador galego Infantil e Cadete e membro do equipo técnico da Federación Galega de Judo, Alberto Castro; a profesora medallista galega e nacional Alba González de Bernardo, ou Adrián Deus Espiñeira, medallista galego cadeto e membro do Centro de Tecnificación Deportiva, profesor da EM Cabañas.

A entrega de trofeos está prevista sobre as 12,45 horas.

Lea también

Miriam Casillas logra el séptimo puesto en el Campeonato de Europa de triatlón

Miriam Casillas dio una exhibición de poderío en el Europeo hasta cruzar la meta en …