Galicia Ártabra Digital Noticias de Ferrol y la comarca de Ferrolterra.
A Concellería de Deportes de Fene organiza para este domingo 11 de xuño unha nova Marcha Ciclista Popular, actividade familiar non competitiva coa que se pretende fomentar a práctica deportiva e os hábitos de vida saudables. A proba comezará ás 11.00 horas na Praza do Alcalde Ramón Souto González (Praza do Concello) e terá unha duración aproximada de dúas horas. As inscricións para participar na marcha realizaranse o mesmo día no Salón de Plenos da Casa do Concello, de 9:30 a 10:45 horas.
Un ano máis, a Marcha Ciclista Popular do Concello de Fene contará con dous itinerarios: o primeiro, cunha distancia aproximada de 7 km, e o percorrido total, cunha distancia aproximada de 15 km.
Segundo informan dende a Concellería de Deportes, para participar na Marcha Ciclista Popular será obrigatorio o uso de casco. Ademais, ao remate da proba, realizarase un sorteo dunha bicicleta e material deportivo entre todas as persoas participantes.
