O Foro Ferrol Vivo organizou a mesa redonda deportiva #ElasTaménXogan

Instante do acto – Foro Ferrol Vivo

Na mesa redonda que se celebrou no centro cívico de Canido «Elas tamén xogan: Visibilidade de deporte feminino en Ferrol» participaron mulleres representantes de diferentes disciplinas e eidos deportivos: Carmen Fernández, xogadora do Universitario; Alejandra Bujía, árbitra de fútbol sala; e Fina Sixto e Begoña Amor, presidenta e integrante da directiva do Club Raiola de patinaxe. Ademais, a mesa contou coa intervención de Juan Quijano, xefe de Deportes de Diario de Ferrol, que deu a súa visión do papel dos medios na visibilidade das mulleres no deporte, neste caso da prensa local. Moderou o debate a voceira do Foro Ferrol Vivo, Eva Martínez Montero, que ademais é a delegada do equipo infantil do Club Canido.

Durante as intervencións, púxose enriba da mesa a necesidade de implicar ás administracións na procura da igualdade -en subvencións, contías de premios ou mesmo no establecemento dos horarios de adestramento-, ás empresas á hora de apostar polo deporte realizado por mulleres, e aos medios de comunicación como canle de difusión prioritario para visibilizar e, polo tanto, poñer ao mesmo nivel o deporte feminino que o masculino. Así mesmo, tanto as relatoras como o público asistente, que foi moi participativo, coincidiron na importancia da educación en igualdade en nos valores positivos do deporte, baseada en tres pilares: en primeiro lugar, na casa coa familias, en segundo, na escola, e en terceiro, nos propios clubes, con persoas preparadas e formadas nestes valores.

Con esta iniciativa remata a campaña de redes #ElasTaménXogan, pola que durante dous meses o Foro Ferrol Vivo estivo promovendo noticias e fotografías de mulleres nos diferentes eidos do deporte.

Lea también

Importantes obras de mejoras en el pabellón poliportivo de Esteiro

El alcalde de Ferrol, Ángel Mato, comprobó las obras de rehabilitación y mejora de la …