Pontón pide en Ferrol que o 25 X sexa unha gran mobilización social contra o agravio do Estado con Galiza

Fot. BNG

A portavoz nacional, Ana Pontón, participou na mañá deste luns en Ferrol nos actos que o BNG organiza por todo país dentro da campaña de celebración do Día da Patria, que aproveitou para animar a todos os galegos e galegas a participar para converter o 25 de Xullo nunha gran mobilización social contra a discriminación que sofre Galiza por parte do Estado.

“Queremos reivindicar que Galiza é unha nación que ten dereito a rebelarse contra a discriminación do Goberno central, porque somos un país cun enorme potencial que non podemos aproveitar por falta de poder político, o que se traduce en emigración xuvenil, salarios baixos, pensións de miseria en moitos casos, e fronte a isto, temos un Estado que nos discrimina”, argumentou.

Na Praza Vella da cidade, preto dos restos da casa natal de Carvalho Calero, Pontón subliñou que Ferrol é unha cidadeque exemplifica como poucas ese agravio e esa discriminación, unha cidade que soportou unha reconversión naval, que segue esperando pola recuperación integral da súa Ría e que ten un transporte ferroviario propio do século XIX”, denunciou. A dirixente do Bloque, tamén criticou a insolidariedade fiscal do Estado coa cidade.

“Non é lóxico que mentres os veciños e veciñas de Ferrol pagan impostos temos aquí un arsenal militar que non paga ningún tipo de gravame”, por iso “queremos que o 25X sexa unha grande manifestación contra o agravio do Estado e que serva para dar un golpe na mesa e cambiar as cousas, como por exemplo cambiar a xestión absolutamente abusiva da AP9, que tamén afecta a Ferrol, conseguindo a transferencia a Galiza como primeiro paso para acabar coa estafa das peaxes”.

Agora Feijóo di que non é posible por 7 millóns de euros mentres Rajoy ten 4.000 millóns para rescatar as radiais madrileñas”, criticou, e fronte a esta discriminación “non vale calar, nin resignarse, por iso convida a unha gran mobilización social no Día da Patria en defensa da dignidade do noso país e poñer en marcha o cambio de rumbo que necesita Galiza”.

No acto participaron numerosos responsables locais e comarcais do BNG, como a alcaldesa de Moeche, Beatriz Bascoy, o rexedor de San Sadurniño, Secundino García,  e o portavoz municipal no concello de Ferrol, Iván Rivas

Lea también

AFAL celebra este venres a súa Cea Solidaria no marco do programa de actos do Día Mundial do Alzhéimer

Os actos do Día Mundial do Alzheimer organizados por AFAL continuarán mañá venres, 22 de …