O Concello de Valdoviño abre o prazo de inscrición nun novo curso de tiro con arco

O Concello de Valdoviño, a través da Concellería de Deportes, promove un novo curso de tiro con arco. Novamente será o Club Arco A Frouxeira o encargado de impartir as clases no campo de fútbol de Mourente, do 7 ó 11 de agosto e de luns a venres. Os horarios previstos serán de 18,30 a 20,30 h de luns a xoves e de 18 a 20 h os venres.

O éxito de participación acadado en xullo levou á Concellería que dirixe Sergio Saavedra a reeditar a aposta municipal por esta actividade. Así, as persoas interesadas en anotarse poden facelo na casa consistorial –segunda pranta- de 9,30 a 13,30 horas ou no teléfono 626 46 55 31 do Servizo de Deportes nese mesmo horario.

O prezo da actividade é de 11,06 euros para menores de 18 anos e de 12,54 euros para persoas adultas.

Lea también

Álex Rilo, representación ferrolana en la Copa del Mundo de Lievin

El ferrolano Álex Rodríguez Rilo disputará este sábado la Copa del Mundo de Lievin en …