Últimas prazas para inscribirse en seis accións formativas do Programa municipal de formación 2017

As persoas interesadas en realizar accións formativas do Programa municipal de formación 2017, dispoñen aínda de prazas libres para anotarse en seis das especialidades ofertadas. Así o recordou a concelleira de Mocidade e Formación, Natalia Hermida, ao explicar que todavía existen vacantes nos cursos de “Prevención de riscos laborais. PRL nivel básico”(60h) – que comezará o 31 de outubro-; de “Medio Ambiente sector Naval”(16h) – a primeira edición comezará o 11 de outubro e a segunda o 17 de novembro-; de “Traballos en altura e verticais”(40h) – a primeira edición a partir do 19 de outubro e a segunda edición o 24 de novembro-; de “Mellora da empregabilidade”(50h) – que se iniciará o 21 de novembro-; de “Autoemprego”(100h) – que comezará o 23 de outubro e, por último, de “Soldadura semiautomática MAG, procesos GMAW e FCAW, (curso de especialización, que require experiencia previa) inclúe 100 horas de prácticas en empresas ”(250h) – desde o día 11 de setembro. As datas dos cursos son previstas -.

Hermida, recalcou que aquelas persoas interesadas en anotarse nestas seis accións formativas dispoñibles deben facelo no Rexistro Xeral do Concello ata o día 9 de agosto en horario de 8:30 a 13.00 horas. Os destinatarios son desempregados/as empadroados/as en Narón, maiores de 18 anos. Para máis información contactar no teléfono 981.337700- Ext.1123