Últimas prazas libres para participar en Cabanas Concilia na segunda quincena de mes

Participantes no programa – Concello de Cabanas

O Concello de Cabanas informou esta mañá de que aínda queda algunha praza libre no programa municipal Cabanas Concilia para a segunda quincena deste mes de agosto. Un programa co que a Concellería de Servizos Sociais busca facilitar a conciliación da vida familiar e laboral das familias nestas vacacións estivais, ofrecendo ós máis pequenos da casa propostas de ocio didáctico, e que se leva celebrando dende primeiros de xullo.

Así, as familias interesadas deben formalizar a súa inscrición na casa consistorial de 9 a 14 horas de luns a venres.

Cabanas Concilia Verán prolongarase ata o 8 de setembro, uns días antes de comezar as clases do novo curso. Celébrase cada mañá, de 9 a 14,30 horas, e está dirixido a nenas e nenos nados entre os anos 2005 e 2013. Entre as propostas, celébranse xogos populares e alternativos; teatro con iniciación a técnicas de expresión corporal e dramatización, contacontos, ritmo, baile, e obradoiros de manualidades e aula de natureza e reciclaxe para traballar a psicomotricidade e a creatividade, así como o respecto polo medio.

Todas as actividades celébranse na praia da Madalena e nas diferentes instalacións deportivas municipais.

Así mesmo, e de cara ós próximos días, o programa levará ós nenos e nenas de excursión. O día 18, ás Fragas do Eume e, o 25, ó centro de maiores da localidade co ánimo de favorecer un encontro interxeneracional.

Lea también

Neda impulsa varias jornadas de puertas abiertas en la escuela infantil Os Pelegríns

El Ayuntamiento de Neda promueve durante la próxima semana varias jornadas de puertas abiertas en …