Versións de Aretha Franklin ou Steve Wonder da man da banda de soul Black este venres no entorno da Frouxeira

A prestixiosa banda de soul Black ofrecerá este venres, 25 de agosto, un concerto no entorno da praia da Frouxeira. A súa actuación virá precedida da do grupo local Rock Atios, que se subirá ó escenario ás 22 horas para actuar como teloneiros. A entrada ó espectáculo é de balde e, posible, grazas á colaboración económica de Abanca e a Xunta de Galicia, a través da Axencia de Turismo de Galicia.

Black comeza a súa andadura no ano 2014 cun formato acústico de guitarra e voz que versiona grandes éxitos da música negra. Ese formato dá lugar a que o proxecto se asente y se dé a coñecer en multitude de espazos. A finais de 2015, o proxecto Black crea un novo formato chamado bigstage formado por nove talentosos músicos que levan ós escenario un potente directo no que versionan a grandes artistas como Aretha Franklin, Otis Redding ou Steve Wonder.

Black achega así ó público a música Soul, a esa música de voces negras que alimentan o alma e a sensibilidade e que, a día de hoxe, so podemos oír, na súa maioría, en vellas gravacións.