O XXVII Torneo de Fútbol Concello de Valdoviño disputarase este sábado

Cartel do torneo – Concello de Valdoviño

O XXVII Torneo de Fútbol Concello de Valdoviño disputarase este sábado, 26 de agosto. Nesta edición, o trofeo celebrarase no campo de fútbol de Mourente, e nel tomarán parte o CD Rosalía de Vilaboa, a UD Lago, a SD Valdoviño e o Meirás CF.

O calendario xa está pechado e os partidos comezarán ás 17 horas. Terán unha duración de 45 minutos, de modo que a competición queda da seguinte maneira: ás cinco do serán enfrontaranse a UD Lago e o Meirás CF e, ás seis, o CD Rosalía e a SD Valdoviño. Os equipos que perdan os encontros xogarán polo 3º e 4º posto ás 19 horas, namentras que ás 20 horas disputarase a final.

Dende o Concello, promotor do torneo xunto ós clubes participantes, anímase á veciñanza e tamén ás persoas que estes días visitan o municipio a acudir ó mesmo, un dos máis veteranos da comarca, e disfrutar deste auténtico espectáculo de fútbol.

Lea también

El Club de Golf Campomar acogió la primera prueba de la Liga de Parejas Artelac

El pasado fin de semana se disputó la primera prueba de la Liga de Parejas …