Máis de 80 persoas iniciarán este sábado o Camiño Inglés por etapas no marco do proxecto impulsado polo Concello de Cabanas

Máis de 80 persoas tomarán parte na ruta por etapas a Compostela, seguindo o Camiño Inglés, que organiza o Concello de Cabanas a través das Concellerías de Deporte e de Turismo. Unha cifra que, segundo explicou o alcalde, Germán Castrillón, supera as expectativas máis optimistas, tendo como referencia as cifras de participación na edición anterior, que o Concello levou a cabo hai uns anos e na que se anotaron unhas corenta persoas.

A ruta dará comezo este sábado, 23 de setembro. Sobre as oito, partirán da Oficina Municipal de Turismo de Cabanas os autocares contratados polo Concello para trasladar ós participantes cara o peirao de Curuxeiras, punto de partida do Camiño. Tamén lles facilitará a credencial do Camiño para ir selando ó longo do percorrido e acceder á Compostela. Nesa primeira etapa, cubrirán os 30 quilómetros que separan Ferrol de Cabanas e, a partir de aí, quedarán cinco etapas a celebrar os sucesivos sábados (30 de setembro, 7, 14, 21 e 28 de outubro). Os traslados ós puntos de saída e regreso correrán por conta do Concello que, con esta iniciativa, segundo destaca o rexidor, busca promocionar o Camiño Inglés e o seu paso por Cabanas.

Lea también

Aula de la Naturaleza-Punto de Atención y Centro de Recursos Solidarios Narón apuestan por el reciclaje

Los niños del aula de la Naturaleza-Punto de Atención a la Infancia inician este miércoles, …