Rosalía actuará no Auditorio de Ferrol o 7 de outubro

Ven de ser nomeada a vindeira edición dos Grammys Latinos na categoría de Novo Mellor Artista. Coñecida como a Patti Smith dos tablaos, Rosalía estará actuando no Auditorio de Ferrol o vindeiro 7 de outubro, sábado, as 21:00 horas.

ROSALÍA & RAÚL REFREE presentan o traballo ‘Los Angeles’, na súa primeira visita ao Auditorio nunha oportunidade única. As entradas xa están a venda na billeteira do Teatro Jofre, ou ben, na páxina web a un prezo de 10 euros. O concerto comezará as 21:00 horas. http://www.ferrol.es/jofre/Paginas/SelEvento.aspx

Rosalía non será a unha pequena xoia deste mes de outubro xa que un día antes, actuará no teatro Jofre a banda neoiorquina Luna+Ramírez Exposure, que traen baixo o brazo o o album “Penthouse” (1995), considerado pola revista Rolling Stone como un disco esencial dos noventa.

A banda neoiorquina «LUNA» está de volta, e chega a Galicia dentro do ciclo Sons de Ferrol, coa mesma formación que tivo entre 1999 e 2005: Dean Wareham, Britta Phillips, Lee Wall e Sean Eden. O concerto de LUNA, estará precedido polo valenciano «Ramírez Exposure», unha das revelacións da música peninsular dos últimos anos.

Será o venres 6 as 21:00 horas no Teatro Jofre coas entradas a 14 euros.

A oferta musical deste mes de outubro se completa coa banda indie de moda do momento, The Pains of Being Pure at Heart, o 13 de outubro no Teatro Jofre as 21:00. Para a presentación en directo do seu novo disco o grupo estará formado por:Kip Berman (voz e guitarra), Christoph Hochheim (guitarra; Ablebody, ex Depreciation Guild), Chris Shackerman (batería; ex Mercury Girls, ex Literature) e Jess Rojas (teclados e voces). As entradas, xa a venda, custan 12 euros.

Antes, o Auditorio acollerá o concerto da formación Los Secretos, o 8 de outubro as 20:30 horas. Un concerto acústico organizado por unha promotora que alugou o recinto municipal e coas entradas practicamente vendidas.