O Concello crea dúas aulas multimedia na antiga casa consistorial de Cabanas

Germán Castrillón na aula multimedia – Concello de Cabanas

O alcalde de Cabanas, Germán Castrillón, informou esta mañá do remate das obras que o Concello levou a cabo nas últimas semanas no inmoble da antiga casa consistorial para habilitar alí dúas aulas multimedia coas últimas tecnoloxías. Unha intervención orzamentada nuns 59.000 euros cofinanciados por Agader e a Consellería de Cultura. A intervención obligou a reacondicionar os espazos, derribando tabiques para ampliar a superficie útil, e contemplou traballos eléctricos (dotación dunha nova instalación, rede de datos e audiovisuais, así como iluminación), de carpinteiría (instalación de tarima) e pintura.

Segundo explicou o alcalde, o Concello ampliará agora os usos do inmoble, ata o momento sede da Escola Municipal de Música. A intención é entrar á formar parte da Rede CeMit de Galicia nos vindeiros meses e iniciar a impartición de accións formativas no eido da alfabetización dixital e do emprendemento. Ademais, Cabanas gaña tamén un novo espazo para conferencias e charlas, así como para albergar outro tipo de cursos formativos.

As novas aulas están ubicadas na primeira pranta e son completamente accesibles. A primeira conta con 13 CPU con monitor LED, impresora láser, proxector de vídeo, equipo de sonido con altofalantes, pantalla de proxección, cámara motorizada para videoconferencia, mesas de aula, e cadeiras.

A segunda, pensada como complementaria da primeira, é unha aula multiusos con mesa para reunións, cadeiras, CPU con monitor LED e armario.

Por último, o Concello tamén dotou ó inmoble dun sistema de alarma para garantir a súa seguridade.

Lea también

Concello presenta o Océano Surf Museo nas Xornadas “Mares de Oportunidades”

O Concello de Valdoviño presentará o Océano Surf Museo, o primeiro de España, nas Xornadas …

Deja un comentario

Tu dirección de correo electrónico no será publicada. Los campos obligatorios están marcados con *