Narón iniciou os actos do programa do 25-N cunha concentración e a lectura do manifesto da campaña “En Negro contra as violencias”

Concentración na entrada do Concello – Concello de Narón

A alcaldesa de Narón, Marián Ferreiro, presidiu esta mañá un acto organizado polo Concello con motivo do 25-N, Día Internacional contra a Violencia de Xénero. A rexedora do municipio agradeceu a participación de todas as persoas que se concentraron este mediodía, ás 12.00 horas, ante a porta principal do Consistorio, en sinal da “firme condena á violencia de xénero”.

Manifestamos hoxe e sempre a nosa máis enérxica repulsa a esta lacra social, e o compromiso de loitar xuntos para acabar co asasinato de tantas vítimas inocentes”, apuntou a alcaldesa da cidade. Foi precisamente Ferreiro a encargada de iniciar a lectura do manifesto do 25-N, da campaña “En Negro contra as violencias”, á que se adheriu o Concello de Narón. Tamén leron unha parte do manifesto os portavoces de TEGA, Guillermo Sánchez Fojo; do PSOE, Catalina García; de EU, André Abeledo e, por último, a edil de Igualdade, Teresa Sabio.

O acto rematou cun aplauso dos asistentes en sinal de apoio a esta campaña de erradicación da violencia de xénero.

O Concello continuará o vindeiro luns, día 27, cos actos programados con motivo do 25-N. Nesa xornada terá lugar, ás 12.00 horas, unha ofrenda floral no Monumento á Muller localizado na Praza da Gándara e no que se repartirán flores aos asistentes –ata esgotar existencias- para colocar na citada ubicación. A concelleira de Igualdade lerá tamén xunto ao Monumento á Muller o manifesto da campaña “En Negro contra as violencias”.

Lea también

El PP de Narón informa de la solidez de la denuncia por el uso de programas piratas en el Concello

El Grupo Municipal Popular de Narón informa que ha recibido la copia de la documentación …