Valdoviño invita á cidadanía a coñecer nesta ponte festiva o Océano Surf Museo

Museo do Surf – Concello de Valdoviño

O Concello de Valdoviño invita á cidadanía a aproveitar estes días festivos para coñecer o Océano Surf Museo, o primeiro de España adicado ó surf. Nesta liña, o alcalde, Alberto González, apunta que a entrada é gratuíta e as instalacións abrirán as súas portas o mércores, Día da Constitución, e o venres, Día da Inmaculada Concepción, de 12 a 14 e de 16 a 19 horas, así como o sábado e domingo neste mesmo horario. O xoves permanecerá aberto de 10 a 14 horas.

O rexidor valorou moi positivamente as cifras de visitantes rexistradas o pasado fin de semana, tras a inauguración do Océano Surf Museo celebrada o venres 1 de decembro. Así, avanzou que foron 83 as persoas que se achegaron ata o museo para facer un percorrido pola historia do surf dende as súas orixes e ata a actualidade. Tamén para coñecer a exposición temporal que albergan as instalacións: a colección de táboas de Enrique Artero, considerada como a máis importante de España. Así mesmo, Alberto González avanzou que en próximas datas o museo abrirase ás visitas guiadas de escolares.

O Océano Surf Museo está ubicado na Casa da Cultura, edificio singular Premio Nacional de Arquitectura e obra do prestixioso arquitecto Manuel Gallego Jarreto. Ocupa a súa primeira planta, unha gran galería acristalada aberta á praia da Frouxeira e válese tamén da sala de exposicións do inmoble para impulsar mostras temporais e do auditorio, como escenario de ciclos de cine, festivais de música ou charlas e congresos.

Lea también

O Esteo cierra el año visitando al FS Zamora

Complicada salida para terminar el año para un O Esteo que se enfrentará F.S. Zamora …

Deja un comentario

Tu dirección de correo electrónico no será publicada. Los campos obligatorios están marcados con *