O Triatlón Ferrol renova as súas estrelas do equipo feminino de Primeira División

Melina Alonso nunha proba – Triatlón Ferrol

O Triatlón Ferrol prepara a temporada 2018 renovando as súas estrelas para manterse entre a elite da Primeira División.

O club ferrolán mantén como estandarte a olímpica Miriam Casillas, quen leva máis dun lustro acumulando éxitos na formación departamental.

Con ela, o Triatlón Ferrol está especialmente orgulloso de que o groso do equipo poida ser local grazas ás canteirás Inés Santiago, Camila e Melina Alonso.

A maiores, en 2018 a andaluza Ana Carvajal seguirá medrando no club e volverán tras lesión Tamara Gómez, coa súa carreira olímpica truncada por varias operacións, e Carmen Gómez, que non puido rematar correndo o tramo final desta temporada.

Desta forma, o Triatlón Ferrol defenderá o dobre bronce conseguido na Liga Nacional de Primeira División nos dous últimos anos.

Ademais de contar coas triatletas da Escola Javi Gómez Noya como Emma Suárez, o club ofrece un lugar no seu equipo feminino a toda deportista da comarca, independentemente do seu nivel.

Lea también

O Esteo cierra el año visitando al FS Zamora

Complicada salida para terminar el año para un O Esteo que se enfrentará F.S. Zamora …

Deja un comentario

Tu dirección de correo electrónico no será publicada. Los campos obligatorios están marcados con *