O Concello de Cabanas pon en marcha o Servizo de Orientación Laboral

Fachada do Concello – Concello de Cabanas

O alcalde, Germán Castrillón, informou esta mañá da posta en marcha dun novo Servizo de Orientación Laboral no Concello de Cabanas. O obxectivo é facilitar a inserción laboral das persoas demandantes de emprego e promover tamén o emprendemento. Así, o servizo prestarase na casa consistorial –pranta baixa- todos os xoves, de 8,30 a 14 horas.

A orientadora laboral ofrecerá información e asesoramento, facilitará o contacto co mundo laboral e acompañará ós veciños e veciñas no deseño, execución e mellora do seu proceso de busca activa de emprego.

Así mesmo, e dentro destas actividades do servizo de orientación incluirase a asistencia para o autoemprego, dirixida a mellorar as posibilidades de ocupación daquelas persoas usuarias interesadas no emprendemento.

Tanto no caso do autoemprego como en calquera outro que se estime oportuno, a ferramenta clave no traballo do Servizo de Orientación é o Itinerario de Inserción Persoalizado, que reflexa o proceso de independización da persoa demandante de emprego. Esta intervención faise sempre partindo dun diagnóstico da empregabilidade da persoa e doutro do seu contexto sociolaboral, analizando de forma positiva as súas potencialidades, e de forma crítica para a mellora as súas dificultades. A percepción de ir alcanzando os obxectivos marcados debe reforzar a motivación, consolidar a autoestima e potenciar a implicación no proceso de inserción.

O servizo nace da colaboración entre os Concellos de Pontedeume, Vilarmaior e Cabanas, que se aliaron para presentar o proxecto ante a Consellería de Economía e Emprego, quen subvenciona o servizo.

Lea también

Concello presenta o Océano Surf Museo nas Xornadas “Mares de Oportunidades”

O Concello de Valdoviño presentará o Océano Surf Museo, o primeiro de España, nas Xornadas …

Deja un comentario

Tu dirección de correo electrónico no será publicada. Los campos obligatorios están marcados con *