Jorge Drexler actuará no Teatro Jofre o 19 de xaneiro

En menos de dous días, desde que saíran a venda as entradas o pasado mércores 13, o cantautor uruguaio leva xa vendidas mais da metade das entradas para o concerto que ofrecerá no Teatro Jofre de Ferrol o 19 de xaneiro e que promete ser un gran comezo de ano na tempada cultura do 2018.

A rapidez coa que están a desaparecer as entradas desta cita na nosa cidade é boa mostra da expectación que había polas novas cancións de Jorge Drexler, reunidas no disco “Salvavidas de xeo”, editado o 22 de setembro, do cal xa se avanzou o seu primeiro sinxelo: “Telefonía”.

Este álbum foi gravado entre Cidade de México e Madrid, e todo o que soa (excepto as voces) foi gravado integramente con guitarras, todo tipo de guitarras, construíndo un son cálido, rítmico e atractivo.

É un disco cheo de ritmo, experimentación, melodías, e sobre todo, grandes cancións. En breve escoitaremos unha catarata de percusións, baterías, loops e sintetizadores… pero todos foron creados coa guitarra e os seus materiais. As cordas, a caixa de madeira, a pel dun banjo, o metal dun dobro. Múltiples elementos que proceden da guitarra convertéronse nunha gran banda para este novo proxecto”, segundo definen a produtora dun concerto que promete ser unha das grandes cita da cultura ferrolán para ir abrindo boca este ano.

Outras dúas citas que veñen pisando forte e programadas xa para o 2018, son LOS REYES DEL K.O., que estarán no Auditorio o 9 de febreiro as 21:00 horas, e The Gramophone Alltars BigBang, o 17 de febreiro as 20:30 no Teatro Jofre. As entradas para estas dúas actuacións xa están a venda a través da páxina web do Concello.

Lea también

Se “arma el belén” por la contratación de un grupo israelí por el concello

Para este viernes, día 20, está prevista la actuación en el Auditorio Municipal de Ferrol …