‘A Pequena e Grande Orquestra’, a verbena da xente miúda, chega ao Teatro Jofre

A Pequena e Grande Orquestra – Urdime

‘A PEQUENA E GRANDE ORQUESTRA’ é a nova produción musical de URDIME. Un proxecto único dirixido ao público familiar que chega a Ferrol. Será o vindeiro sábado 30 de decembro, no Teatro Jofre, a partir das 19h00.

Un espectáculo áxil e divertido que mestura teatro e boa música cos obxectivos primordiais de facer rir, bailar e cantar a grandes e pequenas grazas a un escollido repertorio pero tamén a unha banda de luxo composta por: Carliños Freire á batería, Pablo Vidal no contrabaixo, Javier Costenla no piano e Benxamín Vázquez á guitarra, coas voces ao fronte de: Sabela King, Javi Gradín e Nerea Bello.

Na parte teatral atopamos a Pepablo Patinho e a Montse Piñón, compoñentes de Teatro Ghazafelhos, unha consolidada compañía que se encarga da teatralización e a dirección teatral ao longo do espectáculo.

Na selección de pezas que esta grande orquestra interpretará estarán as referencias da música infantil mundial de todos os tempos, mais será a música infantil galega o eixo sobre o que xirará a escolla, e neste eixo partiremos do repertorio de música infantil máis tradicional, pasando polos grandes éxitos que acompañaron nos 90 a toda a xeración Xabarín, e continuando o percorrido polos grupos musicais que nos últimos 15 anos teñen agromado no País e que xa neste momento son seguidas por fans miúdos alí por onde pasan.

Reparto de entradas ata completar cabida, na billeteira do Teatro Jofre, a partir do martes 26 de decembro.

Lea también

Seleccionados os catro proxectos para as Residencias Artísticas Mariñán de Literatura e Pensamento

Francisco Rodríguez Casal, Esperanza Mariño Davila, Laura Martínez Mateo e Carmen Marina Vidal Valiña son …