Suso Basterrechea presentou a oferta cultural de Ferrol deste semestre

Michael Nyman Band, Elie Paperboy Reed, Natalia Lafourcade, Ana Moura, JD Macpherson, Tricky, Los Reyes del KO, The Gramaphone Allstars BigBand, Jorge Drexler, o fin de xira de Guadi Galego -con todos os seus convidados, e unha homenaxe especial a Manolo Bacalhau, na presentación de Son do Bar, o próximo 13 de xaneiro no Jofre.

Grandes nomes para un gran semestre cultural nunha cidade que xa é toda unha como referencia na capitalidade galega da música.

O concelleiro de Cultura, Educación, Turismo e Festas, Suso Basterrechea, presentaba esta mañá en rolda de prensa as liñas mestras da programación cultural do primeiro semestre do 2018, que chega con once grandes concertos no Jofre e no auditorio de Ferrol e oito funcións teatrais xa pechadas co AGADIC para o ano próximo.

A maiores, o concelleiro avanzou que presentaría en breve e polo miúdo os nomes propios que dan forma a ciclos exitosos e xa consolidados como Cineconcertos no teatro Jofre, con tres sesións de proxección de grandes clásicos do cine con música en directo, o Son Aloumiños, con cinco artistas talentosos e reputados que desvelaremos en breve nun ciclo que medra e pasa do CTB ao Jofre, e A Feira do Xoves, música alternativa no primeiro xoves de cada mes para darlle vida a cidade na capela do CTB.

Ferrol tamén repite a aposta pola súa banda propia ce o concerto mensual dos domingos da Banda Ferrolá de Música, as 12:00 horas no Auditorio, cunha programación específica e singular para cada actuación que son de balde e abertas ao público familias nas mañás dos domingos, un por mes.

A todo esto, hai que sumar unha programación específica pensada para a xente miúda da casa, ao estilo dos pequeconcertos que están por chegar neste ano 2018 e que serán o punto e seguido a programación pensada para os nenos que arrancan este ano co I Festival de Ilusionismo Porta Máxica (do 2 ao 4 de xaneiro) e con obradoiros de balde para nenos de mais de 8 anos.

Este é un programa moi pero que moi ambicioso, coidado, diverso e moi forte con concertos que son datas únicas en Galicia de grandes artistas o que nos consolida como referente, como xa vimos constantando, captando público doutras localidades e colgando, moitas veces, o cartel de non hai entradas, como aconteceu con Jorge Drexler que vendeu o aforo completo en cinco días”, explicaba hoxe Basterrechea.

Non se lle escapa a ningúen que moitos destes nomes, Drexler, Ana Moura, Lafourcade, son artistas de renome internacional con concertos e datas únicas en Galicia que veñen a nosa cidade e que arrastran a moito público doutras localidades. Todo esto sitúa a Ferrol no mapa cultural dunha forma poderosa«, afirmaba Suso Basterrechea.

Lea también

Seleccionados os catro proxectos para as Residencias Artísticas Mariñán de Literatura e Pensamento

Francisco Rodríguez Casal, Esperanza Mariño Davila, Laura Martínez Mateo e Carmen Marina Vidal Valiña son …