O día de reis, concerto especial no Cantón dos grupos dos locais de ensaio

Instante da rolda de prensa – Concello de Ferrol

Esta mañá se presentaba en rolda de prensa un concerto especial dos Grupos de Ensaio na nosa cidade, locais municipais para bandas noveis, que terá lugar o 6 de xaneiro as 20:00 horas da tarde na carpa instalada na Alameda do Cantón.

«En Ferrol temos a sorte de contar cuns locais de ensaio fantásticos, xa desde o 2009, nos baixos do mercado da Magdalena, e hai que traballar no que ten que ver coa base e nesta cidade temos una canteira fantástica e espectacular. O lóxico é mostrar ao público o froito deste traballo e deste esforzo«, manifestou hoxe o concelleiro de Cultura.

Suso Basteterrecha estivo acompañado na rolda de prensa por Nerea, a responsable da xestión dos locais de Ensaio, e de Iago e Rubén, na representación das cinco bandas que actúan este sábado, no Día de Reis, para o público ferrolán nun escenario amplo e equipado cos medios técnicos precisos.

É un concerto aberto e de balde, na carpa do Cantón de Molíns, nunha oportunidade de ver o traballo feito por estes rapaces e rapazas nos locais de Nsaio durante todo o ano, locais que foron a plataforma de saída de banda xa con sona, como Polisong.

Os grupos que actúan, maioritariamente, son bandas de rock e metal, como é o caso de Spiz Bacon, Sombra Negra, Host, Endgame e Curse of the Blin.

Lea también

El Concello concentra en el puente de la Constitución las actuaciones de Festea retrasadas por mor del cierre de la actividad cultural durante dos semanas

El Concello de Ferrol va a concentrar en el puente de la Constitución las actuaciones del …