Segun a CIG- Navantia Ferrol os investimentos na modernización da factoría ferrolá corren perigo

Nun comunicado a sección sindical da CIG en Navantia Ferrol sinala que “Despois das novas que saíron fai uns días e publicación no BOE, nas cales se falaba do requirimento de Medio Ambiente de máis exhaustividade ao proxecto Estaleiro 4.0 así como as opinións dos Concellos, asociacións e organismos afectados, etc, o cal nos parece de rigor, e que nos entendemos se deberan tratar, estudar e corrixir, así como que a Empresa faga tódolos trámites ordinarios e obrigatorios, pedimos unha explicación a Navantia para que a parte social estivera informada da evolución deste proxecto”.

Profunda preocupación

“Desta reunión, que tivemos con todo detalle de explicacións, saímos cunha profunda preocupación
e sorpresa, sacando como conclusión os bandazos perigosos que a alta Dirección da Empresa está a
dar, e que poden cando menos ralentizar ou dar ao traste con dita inversión, que como xa se
explicou viña da man do proxecto das Fragatas F-110 e que tiñan en el a base orzamentaria, porque:
Unhas inversións que contaban como principal obxectivo un Dique cuberto, cunhas dimensións
adecuadas para poder construír varios barcos á vez, nunhas condición modernas de equipamento,
elevación, depuración, etc., e ao coidado da meteoroloxía (por certo longamente demandado pola
CIG así como pola cidadanía e demais axentes sociais), cun fluxo entre as distintas fases construtivas
concentradas ao redor del, coa construción de novos talleres, etc, que rematarían nunha
reorganización e actualización completa do estaleiro, o cal se nos sinalou como imprescindíbeis para
a supervivencia da Empresa”.

Outro canto de serea

“Agora se nos dí que esta en estudo, no canto deste proxecto, unha solución menor sen concreción,
polo cal o anterior pasa de ser un proxecto inmediato a un proxecto a longo prazo que non pode
sustentarse no orzamento das fragatas, e que esta nova “solución” si pode facelo a conta do
orzamento das F-110.
Polo cal entendemos que dita modernización, e o proxecto que o acompañaba, pode ser outro canto
de serea como as inversións que no seu momento se prometeron para o outro lado da Ría e
teñamos un parche máis que lles serva de escusa para falar de estaleiro 4.0.

Esiximos que cos estudos medioambientais e socioeconómicos máis rigorosos e pertinentes se poña
en marcha de forma inmediata as inversións que se anunciaron no seu momento para a
modernización das instalacións de Navantia na Ría de Ferrol, para poñela no mapa do futuro da
Construción Naval e non un parche que sirva para ir minguando a súa capacidade e ter xustificación
para unha agresión máis a esta Comarca.

Facer un chamamento as principais forzas sociais para que tomen cartas nun asunto de vital
importancia para o futuro de Ferrolterra, e facer un fronte común para esixirlle tanto ao Estado
como a Xunta a materialización de dito proxecto e poñer enriba da mesa a financiación requirida” remata o comunicado.

Lea también

Cormonav, la nueva mascota infantil de EXPONAV, ha sido presentada en público

Cormonav es un nuevo compañero de juegos para los niños y niñas que visiten el …

Deja un comentario

Tu dirección de correo electrónico no será publicada. Los campos obligatorios están marcados con *