O Triatlón Ferrol defende o seu título de subcampións galegos de dúatlon contrarreloxo

Equipo masculino do Triatlón Ferrol o ano pasado – Triatlón Ferrol

Cun equipo equilibrado entre veteranos e canteiráns, o Triatlón Ferrol aspira a manterse no podio do campionato galego de dúatlon contra o reloxo deste sábado no que defende a medalla de prata.

Os juniors Iván Puentes e Juan Rejas e o veterano David García, despois do bo estado de forma amosado no Dúatlon de Lugo, liderarán o conxunto ferrolán completado polos veteranos Juanchi González e David Arias e a promesa Miguel Benavent.

Despois de quedar a menos de 20 segundos do triunfo en 2017, o Triatlón Ferrol volve contar con duatletas veloces a pé e potentes en bici para facer un bo papel en Vedra.

A maiores, Yago Suárez, Carlos Cándano, Roberto Martínez, Gonzalo Jiménez, Luis Rilo e Marcos Caneiro forman o segundo equipo do club departamental.

No campionato galego de dúatlon contra o reloxo cada equipo debe completar un dúatlon de distancia esprinte xuntos en todo momento, debendo chegar á meta con catro deportistas xa que o cuarto marcará o tempo final de cada formación.

Lea también

El Café Candelas O Parrulo “B” suma un punto ante el Ribeira FS

Igualdad e intensidad del primer al último segundo y al final reparto de puntos entre …