A ampliación e mellora da estrada do Feal, en Narón, suporá un investimento global duns 1,4 millóns de euros

O proxecto de ampliación e mellora da estrada do Feal (DP-5407) está xa no Concello. Así o anunciou a alcaldesa da cidade, Marián Ferreiro, tras recibir o documento remitido desde a administración provincial, que cofinanciará as obras xunto co Concello. A actuación suporá un investimento global que rondará os 1,4 millóns de euros, tal e como avanzou a rexedora local, que recordou que con cargo a esta partida se ampliará e mellorará o citado vial, entre os puntos quilométricos 0,00 e 1,500.

“Nos vindeiros días os técnicos municipais estudarán pormenorizadamente toda a documentación recibida desde a Deputación da Coruña, pero de antemán queremos agradecer un novo compromiso desta administración co Concello de Narón”, asegurou Ferreiro. A rexedora local destacou o feito de que “unha vez máis o Concello colaborará coa administración provincial, titular deste vial, na financiación destes traballos, constantándose de novo a total disposición e vontade do goberno local a colaborar neste tipo de intervencións”

Ferreiro explicou que as tarefas previstas permitirán ampliar de cinco a sete metros o ancho deste vial, que conta cunha elevada densidade de tráfico ao conectar dous viais principais da cidade, o de Castela (AC-862) e o de Cedeira (AC-566). “A estrada do Feal conecta a zona do Ponto coa das Lagoas, donde se localiza un dos tres polígonos industriais da cidade, o que xustifica, en parte, a urxencia na execución dos traballos previstos”, subliñou. Así mesmo, a alcaldesa incidiu no feito de que “con cargo a este proxecto mellorarase considerablemente a circulación rodada na estrada do Feal pero tamén a seguridade dos peatóns que transitan pola zona, obxectivos ambos prioritarios para o goberno local”. Ao respecto, avanzou que, a maiores de habilitar un carril en cada sentido de tres metros de ancho, a obra contempla a construción dun arcén de 0,5 metros e beirarrúas de 1,80 metros en ambas marxes do vial. Tamén se contemplan no documento, tal e como explicou a alcaldesa, zonas de aparcamento nos tramos nos que sexa posible.

Desde o goberno local confiamos en que este proxecto sexa canto antes unha realidade, porque consideramos que se trata dunha obra de especial relevancia para a nosa cidade, e así llo manifestamos en todo momento á administración provincial”, asegurou

Lea también

Un grupo de jabalies causaron daños en el Parque del Río Freixeiro, en Narón

El parque del Río Freixeiro, en Narón presenta desde este viernes importantes daños en las …