Galicia Ártabra Digital Noticias de Ferrol y la comarca de Ferrolterra.
A Concellería de Turismo e Festas inicia hoxe venres 16 o reparto de 8.000 folletos editados polo Concello de Ferrol de cara a próxima Semana Santa 2018, centrados no Ferrol da Ilustración, na oferta cultural e museística da cidade, no ocio activo e no potencial do municipio como destino de surf e deportes de aventura (BTT, parapente, bautismo de surf en Doniños, kayak pola ría de Ferrol..) sen esquecer a oferta hostaleira e gastronómica.
En total, editáronse 8.000 folletos en castelán e galego para distribuír nas oficinas de Turismo das principais cidades galegas pero tamén no Norte de Asturias, León, e mesmo en Madrid, de onde proveñen, tradicionalmente, moitos visitantes nestas datas, explicou o concelleiro, Suso Basterrechea, atraídos polos moitos atractivos que agocha a nosa comarca e pola sona da Semana Santa, Festa de Interese Turístico Internacional.
O concelleiro subliñou a intensa concentración en 20 paxinas en cor de actividades en poucas páxinas como escaparate de todo o que pode ofrecer o noso municipio, ao que se lle suma o patrimonio natural e a extensa oferta cultural.
Entre outros datos de utilidade para as visitas, figuran as rutas, horarios, e unha breve descrición do patrimonio e de actividades como a visita ao Arsenal (Ferrol da Ilustración), ao Palacio de Capitanía e a Navantia, os días 29, 30 e 31 de marzo, e 1 de abril e Navantia, asi como os requisitos -é obrigatorio presentar documentación (DNI, pasaporte, carné de conducir ou militar para poder acceder ao estaleiro- paseos en barco pola ría, visitas teatralizadas ao Castelo de San Felipe (29, 30 e 31 de marzo) os museos da cidade, con especial atención a Exponav e o Naval,a demais de SGHN, Centro Torrente Ballester, Aquaciencia no Raíña Sofía e a Aula de Ecoloxía Urbana.
A promoción turística da cidade non esquece a programación dun Roteiro Modernista (teatralizado) tamén para os días 29, 30, 31 e 1 de abril, de 12:30 a 14:00 horas, con saída da Praza de Galicia, cun prezo de 5 euros e de balde, a Ruta das Meninas de Canido e Radio Taxi Litoral, con distintos itinerarios, tempos, distancias e traxectos para percorrer o LIC Costa Ártabra.
Lugares de reparto:
– Oficinas de Turismo: Praza de España, Curuxeiras e Xunta de Galicia.
– Concello de Ferrol.
– Hoteis, hostais e residencias militares do municipio.
– Asociación de Empresarios de Hostalería.
– Oficinas de turismo de Ares, Cabanas, Cariño, Cedeira, Fene, Monfero, Mugardos, Narón, Neda, Ortigueira, Pontedeume, Valdoviño e Betanzos.
– 2 Centros de Interpretación do Parque Natural das Fragas do Eume.
– Oficinas de Turismo de la Xunta de Galicia na Coruña, Santiago, Lugo, Vilalba, A Mariña Lucense, Pontevedra, Ourense e Vigo.
– Oficinas de turismo de Ponferrada, Luarca, Navia e Centro Galego en Madrid.
