Este domingo en Sedes rematan os actos de conmemoración do centenario da Revolta das Pedradas

Monumento en Sedes en recuerdo de la “Revolta”

O local social de Sedes e o campo da feira da citada parroquia acollerán este domingo, día 18, un novo acto organizado polo Concello e a Comisión da Revolta Popular de Marzo de 1918 para conmemorar o Centenario da Revolta das Pedradas.

A convocatoria dá continuidade á programación que, con motivo desta efeméride, se iniciaba o pasado día 13 cunha homenaxe ás mulleres loitadoras e ás vítimas desta Revolta, instalando unha escultura no recinto feiral do Trece, donde unha carga policial contra a veciñanza se saldou na época con cinco persoas falecidas e varios feridos. D

A alcaldesa de Narón, Marián Ferreiro, e a representante do Concello na Comisión da Revolta Popular de Marzo de 1918, Teresa Sabio, acudirán á convocatoria, xunto con outros edís da corporación local e representantes da citada Comisión, entre eles integrantes da AVV Rosa dos Ventos, de Sedes.

A programación do domingo comezará ás 11.00 horas no local social de Sedes, donde terá lugar unha charla coloquio na que abordarán esta parte da historia de Narón e comarca a profesora Ana Pérez, o exdeputado nacionalista Francisco Rodríguez, o historiador Joám Lopez e a presidenta da Comisión da Revolta Popular de Marzo de 1918, Lidia Romero. A continuación, sobre as 13.00 horas dará comezo un recital poético a cargo do colectivo poético Moraima e ao remate do mesmo terá lugar un xantar popular no restaurante A Trasanquesa, en Sedes.

Os actos continuarán pola tarde, a partir das 16.30 horas, cun Taller de memoria no local social de Sedes, e a partir das 17.30 o campo da feira da citada parroquia acollerá unha actuación musical a cargo do musicólogo e político nacionalista Mini Rivas. Será precisamente nesta última ubicación donde ás 18.00 horas se leve a cabo unha ofrenda floral no monumento en lembranza da Revolta.

Lea también

El GM del PP de Narón califica el proyecto de los presupuestos como un “rotundo fiasco”

Tras la presentación de los presupuestos para el actual ejercicio de 2018 por parte de …