Este venres estreo da obra “Algo pasa con Paco” no Auditorio naronés

O grupo Sangue de dragón, da asociación teatral naronesa O Aturuxo de Melpómene estreará este venres no Auditorio municipal, ás 20.30 horas, a obra “Algo pasa con Paco“, escrita por Alejandro Martín e dirixida por Cristina Mariño.

A peza ten unha duración de preto de hora e media e está recomendada para persoas maiores de 12 anos. As entradas son de balde e poden recollerse, ata completar o aforo do Auditorio, na billeteira do Pazo. O Padroado da Cultura, a Deputación da Coruña e a Federación Galega de Teatro colaboran neste espectáculo.

Paco Checo é o protagonista desta obra teatral. El é un cabaleiro errante, dos de antes, dos que saen na procura de dragóns e tesouros sen pensalo, porque cre que posúe un gran valor, aínda que xa coñeceu tempos mellores, tal e como indicaron desde O Aturuxo de Melpómene. As malvadas forzas raptan á princesa do pobo, e Paco e o seu escudeiro Xaime saen na súa procura. A maxia e os entortos sucederanse ao longo deste espectáculo teatral, no que o protagonista aprenderá que a vida non só é branca ou negra, senón que está chea de cores.

Coincidindo coa estrea estarán presentes alumnas e alumnos dunha escola de maquillaxe que realizarán prácticas de caracterización coas actrices e actores que forman o elenco desta obra: Adelaida Abad, Carmen Caeiro, Chani Hernández, Alejandro Martín, Frankie Muíño e Benie Suárez

Lea también

Denuncian el envenenamiento de animales en la zona del paseo de Xuvia, en Narón

Un vecino de la zona del paseo marítimo de Xuvia en Naron ha enviado a …