17 de maio, Día das Letras Galegas 2018-Na zona norte

EN FERROL

Ás 17.30 no local da Asociación de Veciños de Santa Icia,os actos comezan cunha lectura dá biografía dá autora homenaxeada. A nota musical ven dá mao de dúas corais locais, ‘Alecrín’ de Brión, e ‘Santa Uxía de Mandía’. 
O peche do acto, corre por conta dunha lectura de poemas de autores galegos musicados a cargo de Alberte e Xoán.

EN NARÓN
O Concello de Narón desenvolverá este xoves na Praza da Lectura, en Santa Icía, varios actos para conmemorar o Día das Letras Galegas a través da iniciativa “N de Narón. A Festa das Letras”.
Haberá unha variada programación que comezará pola mañá, ás 12.00, cun concerto do músico galego Pablo Díaz ao que seguirán, xa pola tarde, o espectáculo de música tradicional de A Banda das apertas, de Magín Blanco, a partir das 17.30 e tamén desde as 18.30 horas Circanelo, de Fredy&Cía, sobre técnicas circenses.

Habilitarase na Praza da Lectura un espazo de lectura, no que haberá tres áreas diferenciadas. Unha delas reservarase para a Biblioteca municipal, que levará varias publicacións en galego para fomentar a lectura entre tódalas persoas que acudan aos actos programados en Santa Icía. Así mesmo, nos dous restantes as librarías locais Galicia e Day porán á venda numerosos exemplares en galego dirixidos a diferentes tipos de público.

Mostra teatro amador en Pedroso
A décima edición da “Mostra de Teatro Amador” na parroquia de Pedroso, organizada polo Padroado da Cultura e a Sociedade Cultural e Recreativa “A Pombiña” comezará hoxe coincidindo co Día das Letras Galegas. O primeiro dos espectáculos, está protagonizado pola Corral Poliafónica, do Aturuxo de Melpómene. 

En Piñeiros
A Sociedade Cultural Areosa organiza un Festival. A partir das 5 da tarde actuarán no Local Social de Piñeiros un grupo de baile tradicional infantil e un grupo de acordeóns, ambos do Padroado da Cultura de Narón, así como a Coral da S.C.Areosa. 
Durante o festival farase un agasallo de libros en galego aos nenos e nenas que participan nas actividades da entidade ao longo do ano. Para rematar haberá degustación de chocolate e unha gran queimada para brindar pola nosa lingua.

EN MUGARDOS
A asociación cultural Apelón, coa colaboración do Concello, levara a cabo o seguinte programa
Ás doce da mañá concentración na Praza do Concello.
Alí terá lugar una entrega de globos para todos @s nen@s (somentes entregaranse @s nen@s de forma exclusiva, non podendo recollelos os adultos).
Entrega de libros, marcapáxinas e caramelos ata esgotar existencias.
Lectura dun par de poesías da nomeada escritora. Pasarrúas ata o peirao con dúas paradiñas máis para voltar a ler outro par de poesías, e remate dos actos.
Todo acompañado polo grupo de gaitas: Trouleada.

EN VALDOVIÑO
A Casa da Cultura de Valdoviño acolle o tradicional acto conmemorativo do Día das Letras Galegas. Será a partir das 18 horas, con entrada de balde ata completar aforo. O programa inclúe unha lembranza da homenaxeada a través do espectáculo «O amor pola lingua», a cargo de Sole Felloza. Un espectáculo que tentará facer sentir ó público o que sente quen chega a un lugar e descobre que o seu fogar está alí. Seguidamente, o alcalde, Alberto González, presidirá a entrega de agasallos ós gañadores do III Concurso de Relato Curto e Debuxo Concello de Valdoviño Letras Galegas 2018. Ó certame presentáronse 65 traballos nas diferentes modalidades nas que concursaban en función do curso. O xurado, estaba integrado polo xornalista Miguel García Corral; o mestre e director do CRA O Esquío Xan García Yáñez; a mestra do CPI Atios María Manso, e a concelleira de Cultura, Jessica Sabín. 

EN MOECHE
Os eventos comezarán pola mañá -11.30h.- cunha actividade organizada pola asociación veciñal Val de Moeche. O alumnado do seu curso de cestaría fará unha demostración ao vivo no Castelo de Moeche, onde tamén se pode visitar ata o día 27 unha mostra das cousas que fixeron nos últimos meses. Nesta ocasión o acceso ao castelo é libre.
Na tarde, a partir das 17.00h. a A.VV. de Labacengos programou unha pequena homenaxe musical coa que lembrar a María Victoria Moreno. No local social do Ventoeiro oiremos textos da autora alternados coa música de Sara Guerreiro e Javier Rodríguez, voz e acordeón respectivamente do grupo tradicional Encrucillada.

EN SAN SADURNIÑO
O acto principal das Letras será o propio 17 de maio -Casa da Cultura, 18.30h.- centrado no descubrimento da autora e na música, que soará na Casa da Cultura gracias ao alumnado de Ilia Keilin e o da escola municipal de gaitas, que farán nesa tarde cadanseu pase con pezas clásicas e tradicionais. A xornada finalizará coa proxección da breve peza documental “María Victoria Moreno Márquez – Letras Galegas 2018”, producida pola Asociación Cultural Millo. Os directores do audiovisual asistirán ao acto e manterán un pequeno coloquio con quen queira saber máis sobre a escritora.

Pola súa banda, a asociación veciñal O Castelo de Narahío tamén programou co gallo das Letras Galegas un evento que pon en valor a oralidade e a música tradicional como vehículos de transmisión e difusión da cultura.

En colaboración coa Rapazada do Saíme -o grupo vocal de nenas e nenos nacido nas escolas municipais de música tradicional- a asociación ofrecerá por segundo ano un encontro no que tamén participará o alumnado máis pequeno das escolas do Padroado da Cultura do Concello de Narón e o da agrupación cultural Airiños dos Carrís, de Cerdido

Lea también

La Cooperativa de Vilaboa, Valdoviño, inaugura este viernes su estación de servicio

La Cooperativa de Vilaboa, en Valdoviño,  inaugura este viernes su estación de servicio. Será en …