Este venres inauguración no Pazo da Cultura de Narón da exposición «Unha mirada de antano: Fotografías de Ruth Matilda Anderson»

O Pazo da Cultura de Narón acollerá este venres, día 18, ás 20.00 h, a inauguración da exposición «Unha mirada de antano: Fotografías de Ruth Matilda Anderson», un proxecto que é posible grazas á colaboración entre o Concello de Narón, ABANCA e Afundación.

Ao acto de inauguración acudirán a concelleira de cultura do Concello de Narón e vicepresidenta do Padroado de Cultura, M.ª Carmen Espada Cortizas; o coordinador de Negocio Institucional A Coruña de ABANCA, José Manuel Vilariño Orgeira; e a coordinadora Zona Ferrol de Afundación, Tatiana Puente Faraldo.

Os fondos que articulan esta mostra proceden da prestixiosa institución neoiorquina The Hispanic Society of America, que atesoura a colección de arte hispana máis importante alén do territorio español. As imaxes seleccionadas pertencen ao relato documental que Ruth Matilda Anderson elaborou durante a súa viaxe de investigación en Galicia entre os anos 1924 e 1926 a instancias do fundador de The Hispanic Society of America, o filántropo e hispanista Archer Milton Huntington.

A exposición, de entrada libre e gratuíta, poderase visitar ata o 10 de xuño no Pazo da Cultura de Narón, de luns a sábado en horario de 10:00 a 14:00 h e de 17:00 a 21:00 h.

Lea también

Presentación del libro-antología del III Certamen de relatos “Contos de Ultramar”

La AVV Ultramar presenta el libro antología del III Certamen de relatos “Contos de Ultramar” …

Deja un comentario

Tu dirección de correo electrónico no será publicada. Los campos obligatorios están marcados con *