Este sábado e o domingo, celebración do Xuviño Gastronómico, no paso marítimo de Xuvia, Narón

O Xuviño Gastronómico arranca este sábado no paseo marítimo de Xuvia, en Narón coa presencia dun centenar de recoñecidas bodegas do país. Tanto na xornada deste sábado como o domingo, entre as 11.00 e as 22.30 horas, as persoas que se acheguen á zona terán a oportunidade de degustar unha gran variedade de caldos de diversas Denominacións de Orixe: Ribeiro, Ribera del Duero, Albariño, Rioja, Ribeira Sacra… Para facelo, terán que adquirir uns tickets que se venderán na zona a un prezo de dous euros, tal e como se recordou desde a organización.

Os adegueiros estarán ubicados en varias carpas que se instalaron na zona do paseo, desde donde ofrecerán aos visitantes algúns dos mellores caldos das bodegas que representan durante toda a fin de semana.

A zona reservada para o Xuviño Gastronómico, ademais das carpas para a degustación de viño contarán cunha de maiores dimensións baixo a que se celebrarán concertos tanto o sábado como o domingo a mediodía e pola noite. A enoloxía e a música compartirán espazo coa gastronomía, xa que tamén se poderá comer baixo a carpa –donde se instalarán mesas e cadeiras- polbo, carne á brasa e boliños preñados, entre outras especialidades que se cociñarán na zona.

Un mercadiño artesán no que se instalarán varios postos de venda de produtos artesáns, da horta, ornamentais… completará a oferta desta nova edición do Xuviño Gastronómico. Non faltará tampouco, tal e como recordaron desde a organización, unha zona infantil con atraccións para as nenas e nenos.

Lea también

El almirante ferrolano Juan Rodríguez Garat pronunciará una conferencia sobre “El legado de Elcano”, este martes

“El legado de Juan Sebastián de Elcano” es el título de la conferencia que ofrecerá …