O Triatlón Ferrol, campión de España de tríatlon

Melina Alonso na competición – Triatlón Ferrol

O Triatlón Ferrol foi o mellor club do campionato de España de tríatlon cunha espectacular Melina Alonso, campioa de España a nivel individual.

A canteirá do Triatlón Ferrol valeuse da súa áxil transición para coller o grupo de cabeza despois da natación. Nun pelotón de oito integrantes, entre as que estaban as súas compañeiras Ana Carvajal e Carmen Gómez, as triatletas entendéronse para traballar xuntas dándose relevos e ampliando a distancia coas perseguidoras. Na carreira a pé definitiva, Melina Alonso foi regular ata a recta de meta na que gañou ao esprinte deixando atrás a dúas rivais. Con Ana Carvajal, sexta de España, e Carmen Gómez, novena, o Triatlón Ferrol gañou a proba por clubs.

En categoría masculina, Marcos Ruiz nadou entre os tres primeiros e rematou cun valioso 21º posto na xeral e 11º en categoría sub-23.

Os cadetes da Escola Javi Gómez Noya, pola súa banda, sumaron un top-20 de Carmen Jiménez, David Campos foi 30º e Jorge Morado, 32º.

Entre os mellores acuatletas

Na xornada dominical, no campionato de España de ácuatlon, Carmen Gómez foi 11ª de España, Ana Carvajal, 13ª e Marcos Ruiz, top-15 en elite.

Os mellores cadetes da canteira ferrolán en ácuatlon foron Jorge Morado e Carmen Jiménez, ámbolos dous rematando en 15ª posición.

Lea también

La AD Judo Ferrolterra disputó la Supercopa de España infantil en Montijo

El pasado sábado 22 de febrero se disputaba en Montijo la Supercopa de España infantil …