Galicia Ártabra Digital Noticias de Ferrol y la comarca de Ferrolterra.
Camila Alonso está desde este martes en Hamburgo preparándose para as Series Mundiais deste sábado.
A canteirá do Triatlón Ferrol chega como a 71ª mellor triatleta do mundo pero en fronte terá ás máximas estrelas, desde o primeiro dorsal con Katie Zaferes ata o último coa dobre medallista olímpica Nicola Spirig. Desta forma, dado o nivel da proba, as sensacións de carreira terán maior valor se cabe que o posto.
A ferrolá vén de ser presa dos nervios na semifinal da Copa do Mundo de Tiszaujvaros e en Hamburgo terá unha dobre de oportunidade de render a título individual e de poder ser seleccionada para formar parte do relevo mixto español que compita o domingo neste novo formato olímpico.
As Series Mundiais de Hamburgo disputaranse en distancia esprinte, a preferida por Camila Alonso, dando comezo este sábado ás 18.40 horas.
