A alcaldesa de Narón acadou o compromiso da Xunta para retomar o diálogo ante a anunciada suspensión do proxecto da senda no Val

A alcaldesa de Narón, Marián Ferreiro, e o concelleiro de Urbanismo, Manuel Ramos, desprazáronse na mañá deste venres a Santiago de Compostela para manter unha reunión con Francisco Menéndez, director xeral da Axencia Galega de Infraestruturas. A rexedora local solicitou a xuntanza hai varias semanas, tras coñecer o anuncio da Xunta de suspender as obras da senda peonil e ciclista prevista na parroquia do Val. A alcaldesa amosou a súa satisfacción pola postura amosada  desde a administración autonómica, donde lle manifestaron que “continúan pola labor de realizar esa obra sempre e cando se conte co respaldo veciñal”.

Representantes do goberno local de Narón visitaron nas pasadas semanas unha por unha as vivendas localizadas no tramo polo que se proxecta a senda peonil e ciclista. Tras falar cos titulares dos terreos afectados, recolleron as súas reivindicacións, que a alcaldesa trasladou ao director da Axencia Galega de Infraestruturas co fin de valoralas.

Representantes da administración autonómica amosaron a súa disposición a retomar o diálogo coa veciñanza afectada por esta actuación na parroquia do Val para abordar a viabilidade dalgunhas das propostas plantexadas sobre o proxecto inicial desta actuación, tal e como lle indicaron a Ferreiro.

A alcaldesa incidiu en que “esta senda é unha infraestrutra que supón un importante investimento para o noso concello e tamén un avance importante en materia de mobilidade e seguridade viaria”. Ferreiro, que trasladadou  o o resultado desta reunión aos representantes da Asociación de Veciños do Val, destacou a importancia “de que ambas partes, a administración que promove este proxecto que é a Xunta de Galicia e as persoas que teñen propiedades na zona pola que pasará a senda, acheguen posturas sobre proxecto”.

A rexedora local subliñou que “é preciso e moi necesario que traten de atopar unha saída satisfactoria para ambas partes e que permita executar os traballos, porque as veciñas e veciños en todo momento nos comunicaron que non se opoñen á execución da senda, valorando tamén este importante investimento na parroquia do Val”.

Lea también

El Concello de Narón licita en 117.000 euros las obras de refuerzo de rodadura en los viales del polígono de Río do Pozo

El concejal de Obras del Concello de Narón, Pablo Mauriz, destacó la actuación que, en …

Un comentario

  1. Lazaro Lopez Gonzalez

    Pois moito teran que mudar as actitudes de imposición que mostraron na ultima xuntanza e ó ” oscurantismo cazike ” mostrado por parte dós ” gobernantes ” naroneses . Os veciños xa trasladamos as nosas propostas e adxuntamos unhas milloras de seguridade a Conselleria de Infrestructuras da Xunta , foron presentadas por rexistro sin ata hoxe ter ningunha resposta . Non estamos dispostos a ser ” toureados ” por ó goberno municipal nin por as incompetencias da Xunta . Pedimos sexan discutidas e tidas en conta as nosas propostas que non son outras que a sostevilidade da senda ciclo-peonil , a seguridade dós usuari@s e veciños , ó respeto as nosas casas e vidas , a movilidade da veciñanza e a seguridade dós ciclistas . Non semella moito pedir , ainda asi a Xunta e ós seus complices ” goberneiros ” de Narón siguen sin ter en conta as nosas peticions e mostran unha total falta de respeto a veciñanza ” pactando ” con a AAVV de veciños dó Val que pa nada defende os nosos problemas nin representa a ninguen .
    Saudos dende Ó Val .