O BNG non apoiará as contas de Emafesa

O Bloque Nacionalista Galego de Ferrol considera que a decisión do goberno local de levar a comisión informativa, mañá martes, como paso previo para elevar ao pleno a aprobación das contas de EMAFESA dos anos 2014, 2015 e 2016 significa “que Ferrol en Común vai validar a xestión do Partido Popular de Rey Varela ademais de significar unha aposta pola continuidade do actual modelo e irregularidades na xestión do sistema de saneamento rexeitando así à posibilidade de camiñar cara unha xestión municipal deste servizo“.

Para o BNG validar estas contas significa “dar por bó o cobro dos 800.000 euros da taxa de depuración aos veciños e veciñas de Ferrol por un servizo que non se estaba a prestar e demostra o entreguismo de FeC as políticas herdadas do Partido Popular“.

O BNG sinala que non se poden aprobar as contas de EMAFESA porque “o goberno local incumpriu o compromiso, aprobado en xullo de 2015, de someter a esta empresa a dúas auditorias, unha económica e outra multidisciplinar co obxecto de regularizar a súa situación e como paso previo a que puidera ser fiscalizada“.

Así mesmo aprobar estas contas significaría “validar o PEC e as xestións e reparacións da EDAR“. Para os nacionalistas, o goberno local continúa coa “súa fuxida cara adiante e parece que non quere saber nada da derogación da taxa, asume os investimentos feitos na EDAR de Prioriño sen que foran responsabilidade municipal ademais de obviar que a Encomenda de Xestión da Depuradora feita a EMAFESA de xeito irregular non está en vigor. En vez de anular a encomenda de xestión a Emafesa e romper os convenios con Acuaes e Augas de Galiza para encauzar de forma eficiente e eficaz o saneamento o goberno local segue os dictados que fixan a parte privada de EMAFESA e o Partido Popular“.

Lea también

El PP confirma que el Valedor do Pobo ha solicitado información al Concello de Ferrol sobre la convocatoria de becas infantiles

La convocatoria de las becas infantiles sigue de actualidad, porque en la mañana del viernes …