O Maratón de fútbol sala Festas do Carme xa coñece os seus campións

Miss Cafeína, gañadoras da maratón feminina – Xosé Ferreiro

(Xosé Ferreiro) Esta fin de semana levouse a cabo na Pista do Colexio Santa María de As Pontes o tradicional torneo de fútbol sala das Festas do Carme.

No evento participaron dende o venres 30 equipos, 19 masculinos, 7 veteranos e 4 femininos. O domingo á tarde disputáronse as tres finais.

Na feminina gañou Miss Cafeína a Al-Ahly Diego Soto Espectáculos, por 3-1, remontando o gol inicial das rivais.

Na final de veteranos gañou Electricidad J & O 2-1 á Taberna de Michel Ub2, que recurtou distancias nos últimos minutos, pero acabaronse levando o título os amarelos.

Xa na final masculina enfrontábanse Muebles Eume e Excalibur Eventec Ub2, que se desfixeran en semifinais de Fontanería Joscar e Bar Calvo respectivamente.

Comezou gañando o equipo branco 3-0, e pese a que os alaranxados empataron 3-3, un tanto de Rober Paz situou o 4-3 definitivo.

Ao final do evento entregaron os diversos trofeos o presidente de O Esteo FS, Fran Fernández, e o concelleiro de Deportes, Chicho Tembrás.

Mellores xogadores foron elixidos Alex Cabarcos (Muebles Eume), Peque (Electricidad J & O) e Laura Doce (Miss Cafeína), e mellores porteiros Buxía (Muebles Eume), Harry (Electricidad J & O) e Sara Cachaza (Al-Ahly).

Muebles Eume, gañadores do maratón masculino – Xosé Ferreiro

Lea también

Partido Ecoembes, pistoletazo de salida a la campaña “Somos especiales, reciclamos”

El domingo 31 de marzo y como parte de la campaña «Somos especiales, reciclamos» que el …