O XXVIII Torneo de Fútbol Concello de Valdoviño disputarase o 26 de agosto

Presentación do torneo – Concello de Valdoviño

O XXVIII Torneo de Fútbol Concello de Valdoviño disputarase o 26 de agosto. Nesta edición, o trofeo celebrarase no campo de fútbol de Vilaboa, e nel tomarán parte o CD Rosalía de Vilaboa, a UD Lago, a SD Valdoviño e o Meirás CF. Os presidentes dos citados clubes, Juan Sabín Muíño, Enrique Rapela Ferreiro, José Luis Campos e Juan Carlos Aneiros Aneiros respectivamente, xunto ó alcalde, Alberto González, e o concelleiro de Deportes, Sergio Saavedra, presentaban esta mañá a cita deportiva no salón de plenos da casa consistorial.

O calendario xa está pechado e os partidos comezarán ás 17 horas. Terán unha duración de 45 minutos, de modo que a competición queda da seguinte maneira: ás cinco do serán enfrontaranse o CD Rosalía contra o Meirás CF e, ás seis, a UD Lago e a SD Valdoviño. Os equipos que perdan os encontros xogarán polo 3º e 4º posto ás 19 horas, namentras que ás 20 horas disputarase a final.

Dende o Concello, promotor do torneo xunto ós clubes participantes, anímase á veciñanza e tamén ás persoas que estes días visitan o municipio a acudir ó mesmo, un dos máis veteranos da comarca, e disfrutar deste auténtico espectáculo de fútbol.

Lea también

Adri logra su segunda victoria con España en el Mundial ante la Japón de Bruno García

Segundo partido de la fase de grupos y segunda victoria para España en el Mundial …